“امي” بقلم غزوان الحواط

اشتقنا كتير وكتير يا امي
ترجع عبيتنا هااااك اللمة
بوسة إيديك يا حجة رشيدي
بتمسح وجع عمري و همي

ارجعي من عتمة الموت لاقينا
ختيرنا بغيبتك، قومي شوفينا
أيتامك نحنا، وان معك قصرنا
دخيل اجريكي يا امي سامحينا

ليالي القهر ببعدك طويلة
وساعات الهنا بغيابك قليلة
طلي علينا لو بالحلم مرة
بعمرك ما كنت يا أمي بخيلة

يا أم غزوان بيوجع غيابك
ريت العمر بيعود تدق بابك
وتفتحي واسمع الله يرضى عليك
تضل سنين راكع على أعتابك

يا رب رحماتك الواسعة اعطيها
ضوي عتمات قبرعا واسيها
يا رب وسع صراطك لدرب امي
يا رب احفظها وبجنة الفردوس خبيها

غزوان الحواط