منوعات الاخبارية
من حقك يا غزة أنك تفزعي بقلم غزوان الحواط
من حقك يا غزة أنك تفزعي
زاد الحكي كتر الكذب زاد اللعي
بأرض الحرم داسو بجزم
زاد الورم مات الكرم
نقص الوعي
ومن حقك يا غزة
أنك تفزعي
بجوع زغارك بيعرف جارك
صوت حجارك فك زارارك
خبي سرارك ولا تطلعي
ومن حقك يا غزة
أنك تفزعي
ملايين العرب ما بتنحسب
بنفط ودهب ولولا انصلب
ساعة غضب
ما تتوقعي
ومن حقك يا غزة
أنك تفزعي
فرقوا صفوفك شردوا ضيوفك
كسروا سيوفك وقتلوا الوفك
وما في سعي من حقك يا غزة
أنك تفزعي
يا غزة أنسيهم عالمزبلة ارميهم
العرب ما فيهم عثعلب حاميهم
ولا تصدقيهم لو قالوا ارجعي
من حقك يا غزة أنك تفزعي
كنتِ القضية صرتي الضحية
باعوا الهوية والبندقية
وقالوا يا غزة صمود دفعي
من حقك يا غزة
أنك تفزعي
شهيدك حفي وعجنته لفي
يا غزة حلفي ما تتأسفي
ولاتشفعي ومن حقك يا غزة
تعيشي ومن حقك يا غزة
من غدر العرب أنك تفزعي
غزوان الحواط
