كلنا لبنانيين وجعنا واحد .
بقلم سهيل الخواجة.
الحمد لله ما عاد في خلاف بين السياسيين و التيارات و الأحزاب و أمراء الحرب ، الكل متفقين على محاربة عمر حرفوش، بس مدري ليش لما ينزعجوا منظومة الكارتل المذكورين أعلاه و يفكو رسن جماعاتهم للهجوم على عمر حرفوش تشاء الصدف بيتحرك معن و بآذروهم بنفس الوقت و الأسلوب مجموعة مرتزقة ساميين حالن عالثورة و راكبين الموجة يعتاشون من فتات أتباع السياسيين و الأحزاب، بعيدين كل البعد عن الشرف و الأخلاق و عادات و شيم اهل البلد،
المفروض من يلي ضحو خلال الثورة للمطالبة بحقوقهن و همهن الإطاحة بمنظومة الفساد ينتبهو منيح لهالتحرك هيك بيعرفو مين معن و مين مدسوس بإسم ثورتهم،
خاصة إنو مافي انسان حر و شريف بيتصرف متل أتباع المنظومة الفاسدة و مرتزقتهم،
بالنسبة لإلنا مافي شي بوقفنا ولا بيرعبنا ولا رح يخلينا نتراجع أو نعمل حساب لأي تهجم و إفتراء بلشنا و مكملين بمشروعنا و حنضحي و نواجه منظومة الفساد،
مشروع #الجمهوريةاللبنانيةالثالثة ، مشروع واضح و شفاف يتمناه كل مواطن شريف يطالب بالحرية و العيشة الكريمة،
مشروع محاربة الفساد و استرجاع الأموال المنهوبة، و إعطاء كل مواطن حقه المشروع، إلغاء الطائفية السياسية، إلغاء التوريث السياسي،
حق الأم المتزوجة من أجنبي إعطاء الجنسية لأولادها، قضاء مستقل،
قانون عالجميع دون محسوبيات،
إعادة الإستثمارات للبلد لتحريك العجلة الإقتصادة،
يدنا ممدودة للجميع، لا تفرقة بين دين و طائفة و منطقة، كلنا لبنانيين وجعنا واحد فلنتكاتف جميعا لإنعاش وطننا.
